قوستاناي وبلىسىندا سوڭعى بەس جىلدا بالا تۋ سانىنىڭ دەڭگەيى تومەن تۇسكەن. 2016 جىلى 12 535 نارەستە دۇنيەگە كەلسە, 2017 جىلى ونىڭ سانى 11 733 بولعان. دەمەك, بىلتىر الدىڭعى جىلعا قاراعاندا 802 بالا از تۋعان.
سونىمەن قاتار 2017 جىلى شەتىنەگەن ءسابيدىڭ سانى دا مەجەدەگىدەن ارتىق, 1000 بالاعا شاققاندا 10,65 بولعان. بەس جاسقا دەيىنگى بالا ءولىمى وتكەن جىلى ءار مىڭ بالاعا شاققاندا 12,3 قۇرادى. بۇل كورسەتكىش 2016 جىلى 10,3 بولسا, رەسپۋبليكادا –9,8 بولدى. نارەستە ءولىمى ارقالىق قالاسىندا 24,7 (18), تاران اۋدانىندا 21,6 (7), اۋليەكولدە 20,7 (9) بولعان. وبلىس كورسەتكىشىنەن دە اسىپ تۇسكەن.
دەنساۋلىق ساقتاۋ باسقارماسىنىڭ القا ماجىلىسىندە وبلىس اكىمى ارحيمەد مۇحامبەتوۆ جاڭا تۋعان نارەستە ءولىمىنىڭ جوعارى بولۋىن قاتتى سىنادى. تاران, اۋليەۋكول اۋداندارى مەن ارقالىق قالاسى اۋداندىق, قالالىق اۋرۋحاناسى باس دارىگەرلەرىنە قاتتى ەسكەرتۋ جاسادى, الداعى ۋاقىتتا جاعدايدى تۇزەۋدى تاپسىردى.
ءنازيرا جارىمبەت,
«ەگەمەن قازاقستان»
قوستاناي